اللوجستيات العمود الفقري للصناعة
اللوجستيات كمصطلح ترجمته خدمات وكمية الخدمات دي بتترجم في النهايه انها تكون العمود الفقري لسلسلة امداد اي شركه عايزه انها توصل لمرحلة التكامل الوظيفي داخل المنشاه والقدرة على المنافسه خارجها .
و لو دورنا على دور اللوجستيات خلال سلسلة الامداد هنلاقي انها حلقة الوصل الاهم في جميع الانشطه ابتداءا من الماده الخام مرورا بالشحن والتامين والنقل والتغليف والتخزين والتوزيع والبيع وبتربط في النهايه بتقديم جوده تليق بنوع العميل المستهدف .
والاهم ان اللوجستيات بتهدف من الاساس لتقليل التكاليف عن طريق انها بتضيف قيمة للخدمه بانها تحسن من كفائتها وتقلل من الوقت المستخدم بين جميع العمليات وانها تحرص في النهاية على توصيل وربط جميع البرامج او الانظمه اللوجيستيه عشان تضمن وصول المعلومه سواء بالشكل الطبيعي او العكسي ( المرتجعات ) في الوقت المناسب بالكيفية الصحيحه وبالدقة المطلوبه وانها تخلي كل الانشطه الموجوده بين كل نقطه تسليم او استلام في سلسلة الامداد مثلا المورد والمصنع تخليها تشتغل باكفء طاقه ليها واكثر فاعلية . وبدون هدر للموارد او هدر للطاقه .
واي شركة بتطبق مفهوم اللوجستيات فهي بتسعى لتوفير السلعه او الخدمه في الوقت المناسب وبالكمية المناسبه والسعر المناسب وبالجوده المتوقعه والمناسبه ، وجودنا في عصر كل شي اصبح بضغطة زر فاحنا في امس الحاجه لتطبيق اللوجيستيات في كل شركات العالم عشان نحافظ على ربط كل الاطراف المعنيه حول العالم .
